02 January 2011

எள்ளி நகையாடத்தான் செய்வர், எண்ணி நகையாடத்தான் செய்வர்

Posted in
எள்ளி நகையாடத்தான் செய்வர், எண்ணி நகையாடத்தான் செய்வர்

மனிதம் தன்னை புதைத்து, மந்திகளாய் திரியும் மதிகெட்ட உலகில்,
மனிதாபத்தோடு பழகி, மாசற்ற மாண்போடிருந்தால் - உனை
எள்ளி நகையாடத்தான் செய்வர், எண்ணி நகையாடத்தான் செய்வர்


கர்பநோக்கில் காதல் வைத்து காமமிகுத்தி காதலிழுக்கும் கயமை உலகில்
கலங்கமில்லா நட்பில் கனிவாய் கட்டுண்டிருந்தால் - உனை
எள்ளி நகையாடத்தான் செய்வர், எண்ணி நகையாடத்தான் செய்வர்

பணம் ஒன்றே குறியாய் பரபரத்திருக்கும் மன பிணங்கள் மிகுந்த உலகில்
பாசாங்கில்லா உறவாய் பாசங்கலந்து பிணைந்திருந்தால் - உனை
எள்ளி நகையாடத்தான் செய்வர், எண்ணி நகையாடத்தான் செய்வர்

சுரண்டி, பிராண்டி தன் தாய்நாட்டையே அவலமாக்கும் துரோகிகள் உலகில்
சுத்தனாய், தேச பக்தனாய் தன்மரியாதையுடன் நிமிர்ந்து நின்றால் - உனை
எள்ளி நகையாடத்தான் செய்வர், எண்ணி நகையாடத்தான் செய்வர்

0 comments :